MAJI NA AFYA ZETU


Maji ni afya, maji ni kinga. Kuna faida lukuki kwa unywaji wa maji.
Je wajua sehemu kubwa ya mwili wa binadamu imetengenezwa kwa maji, kwa maana kwamba viungo na tishu mbalimbali mwilini vimeundwa kuhusisha maji..kwa mfano damu, misuli na hata mafuta mwilini yana maji kwa kiasi chake pia.
Karibu asilimia 60 hadi 75 uzito wa mwili wa binadamu ni maji ingawa kunakuwa na tofauti za kiasi cha maji kulingana na jinsia, umri, mazingira, aina za shughuli mtu anafanya nakadhalika
Dalili zinazoonesha mtu kapungukiwa maji mwilini
1. Harufu mbaya ya kinywa 
2. Ngozi kuwa kavu
3. Maumivu ya kichwa (ingawa sio kila maumivu ya kichwa ni upungufu wa maji)
4. Kizunguzungu (ingawa sio kila hisia za kizunguzungu husababishwa na upungufu wa maji mwilini)
5. Uchovu wa mwili
6. Midomo kuwa mikavu (watu wengi huonesha dalili hii na huonekana sehemu ya nje ya midomo - lips)
7. Kutopata choo mara kwa mara au kupata choo kigumu na kwa shida (constipation)

Kuna baadhi ya dalili hapo juu zinahusiana na vitu vingine tofauti na kupungukiwa maji mwilini hivyo ni vyema kuzitilia maanani dalili hizi na kuchukua hatua stahiki ili kuepukana na shida zinazoweza kujitokeza baadae..
Lakini ni muhimu kukumbuka kwamba uonapo dalili mojawapo kati ya hizi ni vizuri kukumbuka kunywa maji ya kutosha.

Jinsi ya kuuongezea mwili maji :

**Kunywa maji kama yalivyo ndio njia kuu na rahisi ya kurudisha maji yaliyopotea mwilini, ambapo inashauriwa mtu kunywa angalau glasi nane (ujazo wa mls 250) za maji kila siku au zaidi ili kuupatia mwili kiasi unachohitaji kwa ajili ya shughuli mbalimbali za mwili**
Njia zingine za kuongeza maji mwilini (hasa kwa watu wavivu kunywa maji kama yalivyo)

1.kahawa na chai ( ni vema kutumia kwa kiasi vinywaji hivi kwa sababu vina kemikali inayoitwa kafeini ambayo ikizi inaweza kufanya kupungua kwa maji mwilini...kiasi cha milligram 250 hadi 300 za kafeini hufanya mwili kupungukiwa maji)
2. Maziwa yaliyotolewa krimu au yenye mafuta kidogo (skimmed or low fat milk)
Sehemu kubwa ya maziwa ni maji lakini pia Maziwa huwa na madini kama sodiamu na potassiamu ambayo husaidia kuweka vizuri balansi ya maji mwilini.

3. Mbogamboga na matunda
Mfano tikitimaji, machungwa, kabeji, spinachi na karoti

4. Kunywa juisi za matunda halisi kama vile machungwa, maembe, mapera, maepo na kadhalika
5. Kula vitu vyenye mchuzi kama vile supu ( za nyama mbalimbali na mboga za majani)

** Ni vyema kuepuka matumizi (kwa wingi) ya vyakula vyenye chumvi nyingi, sukari nyingi, kafeini nyingi pamoja na vilivyoandaliwa kwa mafuta mengi kwani ni baadhi ya vyakula ambavyo hupelekea mwili kupoteza maji au kuhitaji maji zaidi**
Yote kwa yote nnywaji wa maji unachochewa na vitu vingi. Kuna mazingira/hali ya hewa, watu wa mikoa ya baridi kama Mbeya na Njombe unywaji wao wa maji si sawa na wale wa maeneo ya joto kama Dar es salaam na Pwani. Pia kuna mahitaji ya mwili, kuna watu miili yao inahitaji maji mengi kutokana na maumbile au hali zao za kiafya hivyo hujikuta wanakunywa maji kwa wingi mfano watu wenye kisukari.

 Pamoja na yote hayo unywaji wa maji kwa wingi tunaweza sema ni tabia ya mtu aliyojijengea. Utamkuta mtu yeye awe kwenye mazingira yeyote ya baridi au ya joto bado atakunywa maji lita mbili na mwingine yeye akiwa Mbeya na akiwa Dar unywaji wake wa maji hauridhishi ni ndogo sana bila kujali Dar inamuhitaji anywe maji mengi.

Maji ni muhimu kwa mwili na afya zetu. Ukipata shida au uvivu kunywa maji kama maji, jitahidi kutumia njia nyepesi zilizoainishwa hapo juu. 


Na 
Innocent Sanga
Mwanalishe
Fasmo Tanzania
0688301558

Comments

Anonymous said…
Guda
26 May 2020 at 21:24
Fasmo Tanzania said…
Thank you for the feedback
2 June 2020 at 21:55
Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more