FAIDA ZA KUFANYA UCHUNGUZI WA KIAFYA MARA KWA MARA

Faida za kufanya uchunguzi wa kiafya mara kwa mara.

Kuna kampeni nyingi zinazohamasisha watu kufanya uchunguzi wa afya zao juu ya gonjwa fulani au hata juu ya hali ya afya ya mwili wote kwa ujumla. Kampeni kubwa ni za kuhamasisha kupima Virusi Vya Ukimwi (VVU) pia kupima chanzo cha homa "Sio kila homa ni Malaria". Pamoja na hayo kuna kampeni nyingi za kuhamasisha wanawake kupima hali zao afya hususani kwenye mifumo ya uzazi (saratani ya matiti na shingo ya uzazi)

Licha ya jitihada nyingi za kuhamasisha watu kupima na kujua hali zao za kiafya zinazofanywa na serikali pamoja na asasi za kiraia lakini bado muamko wa watu umekuwa mdogo. 
Sababu zinazofanya muamko uwe mdogo ni pamoja na hali ya uchumi, wengi kipato chao ni kidogo kiasi hata kupata milo mitatu ni mtihani. 
Sababu zingine ni pamoja na uelewa mdogo juu ya umuhimu wa kuchunguza afya zao, baadhi ya Bima za Afya haziruhusu uchunguzi wa kiafya kwa asiye mgonjwa. Utaratibu ni kwamba huwezi kupima magonjwa mbalimbali kama hauumwi chochote hivyo. Hii hupelekea watu kusubiri kuumwa ndiyo kufanya vipimo kitu ambacho si tena kujua hali ya afya bali ni kujua hali ya ugonjwa.
Sababu nyingine kubwa ni mitizamo ya woga. Watu wengi hususani Watanzania wanaamini kupima wakati hauumwi ni kujitafutia magonjwa, ni kujiweka katika msongo wa mawazo. Hivyo wengi husubiri waumwe ndiyo wapime ila hivi kawaida umekuwa sio utamaduni wetu kupima.
Kiukweli kuna umuhimu mkubwa na faida nyingi za kufanya uchunguzi wa afya zetu mara kwa mara.

1. Faida ya kwanza kubwa ni kujua hali yako ya afya. 
Kupima afya kunasaidia kubaini hali ya mwenendo wa afya. Kama mtu alikuwa mgonjwa kupitia vipimo itasaidia kujua maendeleo yake ya kimatibabu. Pia kama mtu anajisikia dalili kadhaa zisizo za kawaida mwilini uchunguzi utasaidia kujua haswa tatizo ni nini. Na kama mtu mzima ya afya uchunguzi utaeleza hali ya utendaji kazi wa viungo vyake na mifumo ya mwili na atapewa ushauri wa jinsi ya kutunza afya yake ili asipatwe na matatizo ya kiafya.

2. Inasaidia kubaini ugonjwa katika hatua za awali hivyo kusaidia kupambana nao kabla haujawa kubwa na hatari. Kwa mfano mtu anapima afya na kuonyesha dalili za saratani fulani hatua kadhaa za kitabibu zitachukuliwa kumsaidia kuthibiti hiyo saratani. Watu wengi waliobainika wana saratani mapema, waliweza kupambana nazo kuliko wale waliobainika wana saratani katika hatua ambayo saratani ilishasambaa sana.

3. Inasaidia kuboresha afya.
Kwa kupitia ushauri wa kitabibu mtu anaopewa baada ya uchunguzi utamsaidia kuboresha afya yake.

4. Inapunguza gharama za huduma za kiafya. Kitendo cha mtu kupima ugonjwa na kuanza kuchukua tahadhari mapema kujizuia kupata ugonjwa hakuna gharama sana kama gharama za kupambana na ugonjwa wenyewe. Kinga ni bora kuliko tiba. Kinga haina gharama sana kama gharama za kutibu ugonjwa.

5. Inajenga mahusiano mazuri kati ya mpimwaji na mtaalamu. Mtu anayechunguza afya yake mara kwa mara hujijengea ukaribu na daktari kiasi kwamba huwa ni rahisi kwake kusaidika ukimlinganisha na yule ambaye hana mazoea ya kuchunguza afya yake.

6. Inaongeza kujiamini kwa mtu.
Msafiri anayejua anakwenda wapi na ubora wa usafiri anaoutumia huwa anajiamini kuliko yule ambaye halijui gari analosafiria na hajui huko aendako atafika saa ngapi naatafikia wapi. Vivyo hivyo kwa afya zetu, mtu anayejua afya yake anakuwa wakujiamini kwakuwa anajua nini kinaendelea mwilini mwake kuliko yule ambaye hajui haki yake anakuwa wakujishtukia na hofu... hivi itakuwaje kama naumwa? Nikiwa naumwa nitakuwa nimepataje huo ugonjwa??

Fasmo Tanzania tunaungana na asasi zote katika kada ya afya zinazopigia upatu watu kujijengea tabia ya kufanya uchunguzi wa afya zao(check up). Kwa manufaa tuliyoyaainisha hapo juu ni matumaini yetu mwamko utaongezeka kwa wanajamii.

Na
Nobel Edson Sichaleh.
Fasmo Tanzania.

Comments

Fasmo Tanzania said…
Tunakaribisha maoni yenu wadau ili tuzidi kuboresha blog hii na makala zake.
6 July 2020 at 20:11
Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more