Mtoto wa Afrika

Siku ya Mtoto wa Afrika.

Ni leo tarehe 16 mwezi Mei siku ambayo Tanzania na nchi zingine za Afrika zinaungana kuadhimisha Siku ya Mtoto wa Afrika. 

Kauli mbiu ya mwaka huu ni  "Maendeleo Endelevu 2030: Imarisha Ulinzi na Fursa Sawa kwa Watoto” Kauli mbiu hii inawahimiza wazazi, walezi, jamii, Serikali na wadau wengine kuzingatia wajibu wetu katika kuimarisha mifumo ya ulinzi na maendeleo ya Mtoto ili aweze kudhibiti changamoto ya ongezeko la vitendo vya ukatili nchini pamoja na kutoa haki sawa kwa watoto wote bila ubaguzi wa aina yoyote.

Awali ya yote, chimbuko la Maadhimisho haya ni Azimio lililopitishwa na uliokuwa Umoja wa Nchi Huru za Afrika (OAU) mwaka 1990 kwa lengo la kuwakumbuka watoto wa kitongoji cha Soweto nchini Afrika ya Kusini waliouawa tarehe 16 Juni, 1976 kutokana na ubaguzi wa rangi.

Watoto hao walikuwa wakidai haki zao za kutobaguliwa pamoja na haki nyingine za kibinadamu ikiwemo haki ya kupata elimu bora na hivyo kupinga mifumo ya elimu ya kibaguzi. Kufuatia tukio hili, OAU iliazimia kuwa tarehe 16 Juni ya kila mwaka iwe Siku ya Mtoto wa Afrika.

Hivyo uwepo wa maadhimisho haya ni kutupa nafasi ya kurejea na kutathmini mazingira ya watoto wa Afrika kwenye kila sekta. Kwa haraka haraka, changamoto za yule mtoto wa Afrika ya Kusini 1976 bado zipo kwa kwa mtoto wa 2023 nchini Tanzania.

Ni kweli kila jamii duniani ina matabaka, lakini yatupasa kama jamii tuungane kuhakikisha matabaka yaliyopo kwenye jamii yetu hayazuii mtoto kupata haki zake. Mfano matabaka ya kiuchumi yamepelekea mtoto kutoka tabaka la chini kiuchumi kutoweza kupata elimu bora na mazingira bora ya kujifunzia.
Ni masikitiko yetu mfuko wa bima ya afya ulifuta Bima ya Afya ya watoto (Toto Afya Kadi) bila kuja na mbadala wenye unafuu kwa wazazi na walezi kuweza kuwapatia  watoto wao bima za afya.

Tunaweza kutumia wiki nzima kuelezea changamoto na maumivu ya watoto katika afya na elimu. Na tutahitaji mwezi mzima kuelezana juu ya machozi ya watoto katika malezi hususani ongezeko la unyanyasaji dhidi yao na kupungua kwa uwajibikaji wa wazazi. 

Mbali na uwepo wa changamoto nyingi serikali inajitahidi kuweka mambo sawa. Kwa mfano, kuhimiza huduma ya chakula mashuleni, kukataza shule zisisajili wanafunzi wadogo kukaa bweni na ujenzi na maboresho ya shule na vituo vya afya. Japo kuna jitihada inabidi kuongezwa kwenye malezi na kupambana na unyanyasaji wa watoto kama kaulimbiu ya Mtoto wa Afrika 2023
Fasmo Tanzania tunaungana na watoto na wadau wengine katika maadhimisho haya kwanza, kuhamasisha malezi bora ya mtoto. Wazazi wajifunze namna nzuri za kuadhibu mtoto pale anapokosea na kumpa hamasa pale anapopatia na sio kulea watoto kwa mazoea au namna walivyolelewa wao. 
Sambamba na hilo pia wazazi watilie maanani mahusiano yoyote yale lazima yajengeke kwenye misingi ya mawasiliano. Vitu hivi vitasaidia sana malezi bora na ulinzi wa mtoto. Kwa kuwa mtoto atapewa malezi mazuri na atakuwa mwepesi kusema changamoto anazopitia kwa kuwa jamii ipo tayari kumsikiliza na kumsaidia.

Jamii nzima tuna wajibu wa kuijenga jamii bora.

Makala hii imeandaliwa kwa msaada wa mitandao.

Fasmo Tanzania. 
www.fasmoorg.com 

Comments

Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more