KUKATAA MAARIFA NI UJINGA ULIOKOMAA

Naomba nianze kwa kucheka kidogo (haha ) kuna kauli nyingi sana zinazoumiza ukizisikia mtu akisema ila zinachekesha ukizitafakari. Bila shaka umewahi sikia kauli "Sikiliza wewe sisi ndio wataalamu....". Hiyo kauli ni moja ya kauli maarufu tu kwenye mitandao ya kijamii hapa nchini kwetu Tanzania. Nje ya hio kauli kuna kauli zingine kama..
●Utaniambia nini wewe?
●We mtoto wa juzi unajua nini?
●We wakuja utatueleza nini sisi wazawa?
●Mkubwa hakosei
●Nimeanza kuliona jua kabla yako huna chakuniambia sikijui
●Kwani yenye elimu mkubwa wamenipita nini mimi? 
 Siwezi zitaja kauli zote kwakuwa ni nyingi na kila siku zinakuja kwa mfumo tofauti ila zote zinakuwa zimejengeka katika kukataa maarifa mapya au maarifa mbadala kutoka kwenye taasis za kutoa elimu au kutoka kwa watu waliotuzunguka. 

 Tangu kuumbwa kwa dunia mpaka leo hii nje ya mapungufu au kasoro zingine za kila mwanadamu, binadamu hajatimia kimaarifa. Kuna maarifa kila mwanadamu anakuwa na uhaba nayo au hayajui. Ndio maana wahenga walisema ELIMU HAINA MWISHO yaani huwezi ukayamaliza maarifa yote ukawa nayo, kila siku utahitaji maarifa ili kuzidi kumudu maisha na kutawala mazingira yako.
 Kwa bahati mbaya sana kuna watu hujikuta wakikataa kupata maarifa mapya au maarifa mbadala tena kwa kauli za kejeli au kwa matendo tu. 
Unamkuta mtu hataki kushauri au kukosolewa na wazee au watu wanaomtakia mema kwa sababu mbalimbali zisizo na kichwa wala miguu. Eti mtu hapokei ushauri kwa mtu mdogo kiumri au aliye na kipato kidogo na wengine huenda mbali zaidi hawapokei ushauri kwa watu waliowapita elimu au hujui ndio mwanzo wa kauli za SIKILIZA WEWE SISI NDIO WATAALAMU. 
Kuna kiongozi mmoja hapa nchini kwetu alisema, "Haiwezekani mtu wa darasa la saba (from nowhere) aje kunikosoa mimi mtu na digrii zangu nne)". Huku kote ni kutotaka maarifa mbadala.

Kuna watu kwa ujinga na mazoea hujikuta hawataki kupokea ONYO, TAHADHARI na MIONGOZO ya vitu mbalimbali kwenye maisha. Tahadhari za kiafya ili kujiepusha na majongwa yanayoambukizika na hata yale yasiyoambukizika, mtu anakunywa tu pombe kupitiliza huku kashaambiwa pombe inaharibu utendaji kazi wa ini na figo na hata kupelekea kansa ila wapi? Mtu anabwia tena na tena. 
Tahadhari za ujio wa mvua kubwa watu wamefariki kutokana na kusomwa na maji na kukumbwa na mafuriko.

"Kaka nimeamua kuacha chuo naona chuo kinanichelewesha kufikia ndoto zangu...."
Hii ni moja ya sababu maarufu sana ya vijana wengi walioacha shule au vyuo. Wengine huenda mbali zaidi na kusema "Kwani hao wasomi wana maisha gani ya kutisha kiasi cha mimi kuamini hakuna maisha mazuri bila elimu??
Anaacha shule au chuo kwa sababu zisizo na mashiko kama hizo. Elimu au maarifa yatabaki na umuhimu bila kujali mwingine aliyapata na hakuyatumia. Uthamani wa elimu utabaki kuwa mkubwa siku zote. Kila kitu kinahitaji maarifa ili kifanyike vyema iwe kipaji, iwe biashara, kazi zisizo rasmi na zilizorasmi. Ni ujinga wa hali ya juu kukataa kujifunza kitu kipya chenye tija kwako.

Ukipata cheo au fedha usijiruhusu vikupofushe kiasi ukajiona wewe ndio wewe hakuna wa kukuambia kitu. Sikiliza mawazo ya watu ukikaza shingo itakatika.
Ukiwa na umri mkubwa au elimu kubwa usiache kutafuta maarifa. Wasikilize wadogo, jijenge katika kupokea vitu kutoka sehemu mbalimbali. Usiridhike kwa mengi unayoyajua.
Sikia mitazamo ya wengine, Usipuuzie.

Njia saba za kupata maarifa
●Kujisomea vitabu, magazeti, makala, Majarida na vitabu vya dini.
●Kuhudhuria semina, warsha mbalimbali
●Simulizi, maonyo, ushauri kutoka kwa wazee na watu waliotuzunguka
●Kutazama Video (YouTube, Dokumentari, na vipindi vya kuelimisha)
●Kutembelea maeneo/Sehemu mbalimbali za hapa duniani iwe mitaa,miji na hata sehemu za kihistoria utajua watu wanaishije, tamaduni zao nk
● Kudadisi na kutafiti mambo, ndani yake utapata maarifa.

AMKA TAFUTA MAARIFA
TUJIKINGE NA KORONA.

Comments

Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more