MAZINGIRA NA DUNIA YETU

Mazingira ni wewe na mimi, mawe, miti, anga wanyama na kila kitu tunachokiona na tusichokiona kama vile vijidudu ambavyo vinaweza kuonekana kwa msaada wa vifaa maalumu vya maabara.
Mazingira ndio chanzo cha hali ya hewa, chakula, hewa tunayoivuta (oksijeni), maji tunayokunywa na vitu vingine kede kede vyenye manufaa kwetu..

Vitu vyote katika mazingira hutegemeana. Kwa namna kwamba viumbe hai hutegemea viumbe hai wengine na visivyo hai ili maisha yaende. Kwa namna hii kunakuwa na matumizi ya vitu katika mazingira kwa namna fulani ambayo inaweza ikawa inafaa au ikawa isiyofaa. Kwa mfano binadamu hutumia mimea (miti) kama kuni au kutengeneza mkaa kwa ajili ya nishati ya kutumia majumbani na sehemu zingine, lakini tumeshafika mahali ambapo matumizi ya miti kwa ajili ya shughuli kama hizi na nyingine nyingi yamepelekea kuharibika na kupotea kwa uoto asili na kupelekea madhara katika hali ya hewa, mfano kuongezeka kwa jotoridi na kupungua kwa kiasi cha mvua duniani.. 
Madhara haya yanachangiwa pia na shughuli zingine za binadamu zinazoathiri mazingira kama vile uzalishaji viwandani unaotoa taka hatarishi pamoja na shughuli za kilimo zisizozingatia utunzaji wa mazingira.
Ikumbukwe kwamba madhara yote haya katika mazingira yana athari kwa kila mtu kwa namna moja au nyingine, kwa mfano

1. Kupungua kwa mavuno ya mazao ya chakula kutokana na upungufu wa mvua, hii inaweza kupelekea kutokea kwa baa la njaa katika eneo fulani 
2. Kuzuka kwa magonjwa yanayohusiana na kuongezeka kwa kiasi cha jotoridi
3. Kupungua au kupotea kwa wanyama pori na uoto asilia na hii itapunguza shughuli za utalii nchini hivyo kupelekea kupungua kwa pato la taifa.

Pia ni muhimu kukumbuka yakuwa mazingira yana uhusiano mkubwa na afya pamoja na lishe ya kila mtu.
Mazingira mabovu yanapelekea upatikanaji mgumu wa vyakula vizuri kiafya ( vitokanavyo na mimea na wanyama) kwa sababu hayataruhusu watu kujitengenezea bustani nzuri kwa ajili ya kulima mboga za majani, matunda pamoja na kufanya ufugaji wa wanyama ambao pia hutegemea mimea kwa ajili ya chakula chao.

Hivyo basi kama tulivyoona kwa kifupi ni kwamba kuna mzunguko unaopita kwenye mazingira hadi kwa binadamu ambao nao ni sehemu ya mazingira katika kuruhusu mzunguko wa virutubishi kutoka katika kundi moja hadi lingine ni vyema tukatunza mazingira na kuyatumia kwa busara.

Tunza mazingira ili yakutunze

"Celebrate biodiversity" but do not forget to diverisfy your plate....smile😁
sherehekea bianuwai ila usisahau kumeremetesha sahani yako kwa kula chakula kinachozingatia makundi yote matano.

Tutabasamu kwa shairi la kimazingira

Jumla ya vyote,
Vilivyotuzunguka,
Tuvilinde sote,
Lasivyo tutaumbuka,
Tukiharibu chochote,
Sura zitatushuka,

Nzuri kuyatazama,
Hakika yanapendeza,
Wababa kwa Wamama,
Leo nawapongeza,
Hamstahili lawama,
Mazingira mewekeza.

Yatupa nishati,
Maligafi na maji,
Twayahitaji kwa dhati,
Kukidhi yetu mahitaji,
Tumepata kibahati,
Tuyatunze bila ubabaishaji.

Mungu aliumba misitu,
Na mali nyingi asili,
Ila kuna mibaya mijitu,
Yavitumia bila akili,
Yatumia moto na vitu,
Kuharibu uoto na mali.

Kwaheri na karibu tena kwenye makala zetu mbalimbali

Na 
Innocent Sanga
Fasmo Tanzania 

Comments

Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more