Ujinga ni kama Ugonjwa

Ujinga ni kitendo cha kutokujua jambo au kitu fulani na kuathirika kwa kutokujua hilo jambo. Vivyo hivyo hata ugonjwa ni kuwa na vijidudu/vimelea mwilini na kuathirika kwa uwepo wa hivyo vimelea. 

Kuna aina mbalimbali za magonjwa ila aina mbili kuu. Magonjwa ya kuambukizika na magonjwa yasiyoyakuambukizika. Ugonjwa wa kuambukizika mtu huupata kutoka kwa mwingine na kisha huuambukiza kwa wengine na mzunguzuko huendelea. Na ujinga upo katika mtindo huo. Mtu hupata maarifa asi kisha huyasambaza kwa wengine na kuwaaminisha na wale waaminio husambaza kwa wengine na wengine.

Mwaka 2016 huko mkoani Dodoma wanakijiji wakishirikiana na uogonzi wa kijiji waliwaua kwa kuwachoma moto watafiti wa masuala ya ardhi. Moja ya watu wanaoheshimiwa na kuaminika pale kijijini alizusha kuwa wale wageni walioingia kwenye kile kijijini sio wataalamu kutoka kwenye taasisi bali ni wanyonya damu. Wanakijiji wakajazwa huu ujinga na wakijua wanyonya damu ni wauaji basi wakaona wawavamie na kuwaua. Waliwachoma moto wale watafiti pamoja na gari yao walioenda nayo kule kijijini. 
Lilikuwa tukio la kusisimua na kusikitisha sana kwa watu mbalimbali hususani kwa wasomi ambao pia maisha na kazi zao hutegemea tafiti hivyo kuona vijijini si salama.
Lakini majonzi yote haya ni zao la ujinga wa wale wanakijiji walipoambukizana kisha kugharimu maisha ya watu wengine wasio na hatia na tegemeo la taifa.

Tukiwa kipindi hivi cha janga la gonjwa la Korona. Mtu mwenye virusi vya Korona akikaa na mtu asiye na virusi anaweza akamuambukiza gonjwa hilo kwa namna mbalimbali. Korona inatesa na kuua na pia Korona inaponyeka mtu anarudi katika hali yake ya kawaida.
Ujinga ni kama ugonjwa unaambukizika, unatesa au kuua na unatibika.
Kuna mengi yasiyo ya kweli huongelewa sana kwenye jamii na watu huyaamini na baadae huyasambaza mtaa mpaka mtaa au vizazi mpaka vizazi. Hadithi za vyanzo vya vifo vya watu kwa mfano kwa sasa mtu akifa watu wanasema na kuaminishana kuwa kafa kwa Korona japo si kweli. Pia kuambukizana hadithi za vyanzo vya utajiri wa watu, sababu za matatizo ya mtu fulani, namna za kusuluhisha matatizo kwa njia za kienyeji nk na ni kwasababu hiyo watu wanajihusisha sana na ushirikina wa kuua vikongwe na maalbino kwa kuaminishana utajiri utapatikana kwa njia hiyo na si kujituma na kuwekeza. AMKA TAFUTA MAARIFA!

Njia za kupambana na ujinga wa Kuambukizika.
1. Kuwa mwepesi kuhoji au kuuliza maswali juu ya jambo unaloelezwa.
2. Tumia vyanzo mbalimbali vya kuaminika kupima ukweli wa jambo uliloambiwa. Mfano vyombo vya habari vya kuaminika, wataalamu wa jambo unaloelezwa. Inaweza ikawa Daktari, mchungaji nk
3. Kuwa mdadisi au mtafiti wa mambo. Jifunze kujithibitishia kabla ya kuamini.
4. Aliyekudanganya mara ya kwanza usimwamini haraka.
5. Jisomee na uwe na maarifa ili iwe rahisi kujua jambk la uongo na jambo la kweli kwa haraka. 
AMKA TAFUTA MAARIFA

By
Nobel Edson Sichaleh
Fasmo Tanzania
0783961492

Comments

Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more