UJINGA UNAUA

Kwakuwa wote tunazaliwa na kufa. Na kwa imani zetu wengi tunaamini sisi ni wa Mungu. Kwenye maandiko Mungu anasema, Watu wangu wanaangamizwa kwa kukosa maarifa"
Kwa haraka maana yake duniani kuna maadui wa wanadamu ambao ili mwanadamu asiangamizwe ni vyema awe na maarifa, yaani asiwe mjinga.

Ujinga unaangamiza na kuua kama maarifa hayatatumika kunusuru hiyo hali. Kuna hadithi nyingi za kweli za watu waliofia kwenye nyumba za waganga wakienyeji kwa ugonjwa unaotibika hospitali. Kuna hadithi nyingi za watu waliokufa wakiwa wanautafuta utajiri kwa njia zisizohalali, bila shaka hata wewe unayo hadithi ya mtu au watu waliopoteza maisha kwa ajari ambayo ingeweza kuepukika kama taratibu zote stahiki zingefuatwa. Waliotangulia tunawaombea Mungu awalaze kwa amani ila hadithi za chanzo na mazingira ya vifo vyao kwetu ni somo katika kuzuia vifo namna ile visijirudie.

Kwakuwa kuna maadui wengi na wenye njia mbalimbali za kutushambulia na kuhakikisha tunadhohofika kiuchumi,kijamii,kiafya na kimaisha kwa ujumla ni vyema kutoacha kujifunza mbinu mpya na maarifa mapya ya kupambana na maadui hao. Moja ya waasisi wa taifa letu Baba wa Taifa, Mwl Julius Nyerere alitaja UMASKINI, UJINGA na MARADHI ndio maadui wa taifa hili. Akimaanisha uwepo wa hawa maadui ndio chanzo cha sisi kutopiga hatua kubwa za kimaendeleo kwani kuna upungufu wa nguvu inayosababishwa na uwepo wa vifo vinavyotokana na maradhi. Kama taifa tuna uhaba wa wataalam na ujuzi wa kuendesha sekta mbalimbali na kutuletea maendeleo kutokana na watu wengi kutokuwa na elimu. Pia Umaskini unasababisha tunashindwa kupambana na maadui wengine pia tunashindwa kuinuka kitechnolojia ili kuongeza uzalishaji ambao utaleta tija kwenye maendeleo yetu.

Kuna siku nikafungulia redio kusikiliza taarifa ya habari nikasikia.... WIVU WA MAPENZI WASABABISHA MWANAUME MMOJA KUMUUA MPENZI WAKE KWA BUNDUKI KISHA NA YEYE KUJINYONGA. Ni kitu gani kilichomuua huyo dada. Kati ya Bunduki, Wivu wa Mapenzi na huyo mwanaume ni nani aliyemuua huyo dada? 
Hiyo taarifa ilinipelekea kuona upande mwingine wa mambo ambavyo huwa. Na ndiyo hivyo ambavyo Ujinga husababisha vifo na kusimama kama Wivu wa Mapenzi kwenye hiyo taarifa.
ÀMKA TAFUTA MAARIFA
UJINGA UNAUA!

By Nobel Edson Sichaleh
Mwenyekiti
0783961492

Comments

Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more