VIRUSI VYA KORONA KWA WAJAWAZITO NA WANAWAKE WANAONYONYESHA

Ugonjwa wa Coronavirus (COVID-19) ni ugonjwa unaoambukiza unaosababishwa na virusi vya corona. Virusi hivi hushambulia mfumo na hewa na kuleta madhara kadha wa kadha kwenye mwili wa mwanadamu na hata kupelekea kifo. 
Kumekuwa na nadharia na maswali mbalimbali juu ya virusi hivi kwa watoto wachanga, wajawazito na wanawake wanaonyonyesha juu ya namna ya uambukizaji na namna nzuri za kuzuia maambukizi.
Hadi sasa hakuna utafiti unaothibitisha maambukizi ya COVID-19 kutoka kwa mama kwenda kwa mtoto kupitia maziwa ya mama, maji maji katika mfuko wa uzazi (mtoto akiwa tumboni) au sampuli zingine kutoka kwa mama. Bado shirika la afya duniani linasema hakuna uthibitisho wa virus hai vya corona katika sampuli tajwa hapo juu.
Lakini mpaka sasa kinachofahamika ni kwamba watoto kadhaa wamepatikana na virusi vya corona baada tu ya kuzaliwa na haijulikani kama walivipata wakiwa tumboni au baada ya kuzaliwa. Pia vipo visa vya mtoto wa miezi sita, miezi kumi na moja na visa vingine vya watoto kupata virusi vya Corona chini ya umri wa miaka miwili.
Bado tafiti zinaendelea kufanyika kwa hiyo tunaweza kusikia lolote muda wowote kwa sababu hivi karibuni kuna utafiti umegundua uwepo wa virus vya corona katika mbegu za wanaume walioathirika na virusi hivi.

Shirika la afya duniani linapendekeza kipindi mwanamke akiwa na ujauzito adumishe usafi kwa kunawa kwa maji tiririka pamoja na sabuni, kuepuka mikusanyiko, kuepuka kujishika macho, pua na mdomo, kujiziba anapokohoa au kupiga chafya kwa kutumia kitambaa laini au kiwiko. Haya yote yatasaidia kupunguza maambukizi ya virusi vya corona kwa mama mjamzito
Shirika la Afya Duniani (WHO) linashauri mama ambaye anahisiwa au mwenye covid 19 aliyejifungua aendelee kumnyonyesha mtoto kwa sababu maziwa ya mama yatamsaidia kujenga kinga yake ya mwili na huku yakikidhi mahitaji ya virutubishi katika mwili wa mtoto ambavyo anavihiitaji kwa kiasi kikubwa ili aweze kukua vizuri.
Shirika la Afya Duniani linaendelea kusisitiza mama anapomnyonyesha mtoto aendelee kufata taratibu sahihi za ulishaji katika janga hili kama ifuatavyo, hakikisha usafi katika upumuaji (respiratory hygiene) na kuvaa barakoa (mask), osha mikono kabla na baada ya kumgusa mtoto, daima asafishe maeneo na vitu vyote anayotumia wakati wa unyonyeshaji wa mtoto. Hivi anaweza kusaidia kupunguza au kuzuia kabisa maambukizi ya corona virus kutoka kwa mama kwenda kwa mtoto.
Kama hali ya mama haimruhusu kumnyonyesha mtoto kutoka kwenye matiti yake, inashauriwa kukamua maziwa na kumnywesha mtoto kwa kutumia kikombe safi, kutumia maziwa ya mama mwingine ambayo yamekamuliwa (human donor milk) au kuanza tena kumnyonyesha mtoto baada ya mama kupona (relactation) au kupata nafuu bila kusahau kuendelea kuwa na ukaribu wa mwili na mtoto (skin to skin contact) na kukaa na mtoto katika chumba kimoja. Hii ni kulingana na mapendekezo ya shirika la afya duniani
Ikumbukwe kwamba hakuna utafiti unaothibitisha kuwa wanawake wajawazito wapo katika hatari ya kupata covid 19 zaidi ya watu wengine na hii ni kulingana na shirika la afya duniani (WHO). Ila juu ya yote kila mtu ana wajibu wa kujilinda ilivyo na kuwalinda wanaomzunguka ili kuiepusha jamii yetu dhidi ya gonjwa hili. CORONA IPO NA NI HATARI!!

Na 
Innocent Sanga
Nutritionist
Fasmo Tanzania
0688301558

Comments

Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more