Shairi: LISHE NAISHIKIA KIPAZA

LISHE NAISHIKIA KIPAZA

Leo jukwaani najongea,
Sauti yangu kuipaza,
Kuna kitu nataka kuongea,
Muda sasa cha nikwaza,
Wasio na sauti wataponea,
Rafiki yao nashika kipaza.

Ni kwa muda sasa,
Jamii yetu ii taabani,
Lishe yaonekana anasa,
Wakulaumiwa nani?
Viongozi wa kisiasa,
Au mitaala ya kizamani?

Tunazalisha mazao,
Hatujui kuyatumia,
Watu wala kikwao,
Vyakula hufakamia,
Shida huja afya zao,
Gharama kujitibia.

Laiti ingetolewa elimu,
Mitaani na darasani,
Wangejua umuhimu,
Nini kiwepo kwa sahani,
Magonjwa wangekuwa adimu,
Ukosefu wa vyakula fulani.

Bungeni ingekuwepo kamati,
Yenye uongozi makini,
Iliyojaa mipango mikakati,
Kuwafikia watu wa chini,
Na kuwawezesha kwa dhati,
Elimu ya lishe waushinde umaskini.

Lishe kwa mtoto na mama,
Ila sio kwa wao tu aisee,
Lishe ni jambo la maana,
Kwa vijana pia wazee,
Wote tuseme hapana,
Kula mlo mmoja pekee.

Mkulima ukitoka kuvuna,
Mavuno hifadhi vizuri,
Pindi yatapokuwa hakuna,
Ghala lako lisiwe sifuri,
Utaendelea kutafuna,
Ukifanya zingine shughuli.

Kutoka makundi mbalimbali,
Chakula bora kisikose mezani,
Kunywa maji mengi tafadhari,
Pombe sigara usiweke kinywani,
Jiwezeshe kwenye kila hali,
Waelimishe na wa nyumbani.

Hapa leo naishia,
Kipaza achukue mwingine,
Lishe bora kuipambania,
Tukutane siku nyingine,
Kwa wewe uliyenisikia,
Mpe ujumbe na mwingine.

A H S A N T E


Lishe Shairi😊
Na
Nobel Edson Sichaleh
MwanaLishe
Fasmo Tanzania
0783961492

Comments

Anonymous said…
Nice start
23 May 2020 at 09:20
Unknown said…
Naomba idhini ya kulitumia shairi hili kwenye event moja inayohusu lishe shuleni kwangu ahsante
21 July 2021 at 18:09
Fasmo Tanzania said…
Bila kuomba. Na ukihitaji tulifanyie maboresho katika mizani tutalifanyia.
Samahani kwa kuchelewa kujibu.
29 September 2021 at 21:18
Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more