Watu wanaofaidika kupitia ujinga wako.

"Baba shuleni wametuagiza kesho wanafunzi wote tuwe na Amoeba. Amoeba inauzwa 50000....." Naimani umewahi sikia kauli hizo kwenye stori au hata kuhusika kuwapiga hela wazazi na ndugu kwa kupitia kile wasichojua. Ujinga hauna faida ila kuna watu watanufaika na ujinga wako.

Wahenga walikuwa sahihi sana waliposema "Wajinga Ndio Waliwao". Kupitia ujinga utaibiwa kizembe pasi matumizi ya silaha, utauziwa vitu kwa hati au risiti feki na baadae mambo yatageuka na utatapeliwa hutopata kile ulichonunua wala hela uliyonunulia haitorudi.
Viongozi, wanasiasa na baadhi ya viongozi wa dini wa Kiafrika wanatujua sana. Wanajua wengi wetu ni wajinga. Hivyo hutumia ujinga wetu kunufaika katika kupata nyadhifa au kupata mali.  Atakuja kipindi cha kampeni atagawa pombe, vitenge, kofia na kutulisha pilau nyama tutahisi akipata uongozi hayo ndiyo yatakuwa maisha yetu ya kila siku na yeye ndiye mwarobaini wa matatizo yetu.  Kura zote kwake, akishinda uchaguzi kuonekana kwake tena ni wakati wa kampeni. Sisi huku hatuna ari, kila kitu kipo kama kabla ya uhuru.

Ujinga unaumiza vizazi hadi vizazi kama hautoondolewa. Baba akifanya maamuzi bila kujua, maamuzi yale wanaweza kugharimu kizazi chote. Kwani uongo? Wazazi waliokataa kusomesha mabinti zao na kuishia kusomesha watoto wa kiume pekee walifaidika nini na kutosomesha mabinti? Vipi kama mabinti nao wangepata elimu sasa hivi si wazazi wangekuwa wanatumiwa hela za kununulia barakoa na vitakasa mikono, sasa hivi hata Bima za Afya wangekuwa nazo. Lakini mabinti waliishia kuozwa na kuwa tegemezi kwa wanaume zao. Kutokujua kunawaumbua sasa.
Waganga wakienyeji nao hufaidika sana na ujinga wetu. Watasema mbaya wako ni jirani yako kalete hiki na kile tena vingine ni vigumu sana kupatikana. Taarifa zinasema kwa sasa Mayai viza yanabei mara mbili ya mayai ya kawaida huko jijini Arusha kwa matumizi ya Uganga na ushirikina. Yote haya ni ujinga tu wanaosema watupe utajiri wao wapo kwenye tope la umaskini. Kutokujua mafanikio huja kwa kujituma na uwekezaji wa rasilimali na muda na sio jambo la kulala na kuamka likawa.

●Usikubali kuwa kitega uchumi cha mtu
●Usikubali kuwa chambo
●Usikubali kutumika kwa manufaa yao mapana
●Fanya tathimini ya kila hatua unayopiga, tathimini kila ofa unayoletewa, tathimini maneno yao.
●Jifunze kukataa  sio tu kisicho na manufaa pia hata chenye manufaa ya kinyonyaji.
●Fikiria mbali kabla ya kufanya maamuzi
●Usikae meza moja nao, kama wao hawakuoni wewe ni kama wao.

Ujinga hauna faida yeyote ila kuna watu watafaidika na ujinga wako. AMKA TAFUTA MAARIFA!!
 
Na 
Nobel Edson Sichaleh
Fasmo Tanzania 
0783961492

Comments

Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more