BABA KAMA BABA

Baba la Baba

Leo tarehe 21 June ndiyo siku ya wenye miji, watu wenye maamuzi nyumbani, watu wenye sauti popote pale ndani hata nje ya nyumba. Ni ukweli, leo ni siku ya watu ambao hawaoni shida kuvuja jasho ili wengine wafurahie leo na kesho yao. Kwa uthabiti kabisa na kuiweka familia nzima mabegani na kutembea huku kaibeba bila kujali hali ya nchi kiuchumi au iwe mvua liwe jua majukumu yake lazima atekeleze. Leo ni siku ya akina Baba Duniani, watu wenye mioyo yao.
Kwa muda sasa kumekuwepo kwa siku hii adhimu ya kuhadhimisha uwepo wa akina Baba na mchango wao katika maisha na ustawi wa wanafamilia. Baba ni mzazi wa kiume, baba ni kiongozi wa familia (kwa mila za sehemu nyingi duniani). 

Kutokana na tamaduni na hali ya maisha ya Afrika akina baba ndiyo wamekuwa watafutaji wakubwa wa mkate wa kila siku katika familia. Kipato hicho ndiyo kitagawanywa na kutumika kama chakula, kama ada, manunuzi ya nguo za wanafamilia, nauli za hapa na pale na matumizi mengine mengi yasiyo na idadi.

Kulingana na tamaduni za Kiafrika, mwanaume ndiyo hujikuta usukani katika shughuli nyingi za kifamilia. Uongozi wa familia kutokana na mama kubanwa na mila, utafutaji wa kipato, akiwaongoza wanafamilia wengine na pia akina baba ndiyo huwa katika jukumu la uongozi wa jamii. Ni rahisi sana kutokana na tamaduni zetu kumkuta Baba wa kiafrika ana majukumu mengi bila msaada. Hivyo hupelekea watoto wake hususani wale wa kwanza kuzaliwa kukaimu baadhi ya majukumu ya wazazi wao.

Kutokana na hali ya Afrika kiuchumi, kiteknolojia na kielimu ambazo kwa pamoja zinawaacha akina mama nyuma, akina baba wanajikuta pia wako na wajibu wa kusimama na kuongoza familia. Wanawake wengi wa Kiafrika hawana au hawakupata nafasi ya kwenda shule, hivyo hujikuta wanafanya kazi nyingi zisizo na kipato kizuri huku wakitumia teknolojia duni. Mchango wa mama kwenye familia unakuwa ni kulea watoto na huchangia kidogo kiuchumi tukilinganisha na mahitaji. Hivyo macho ya mama na watoto kwa pamoja huelekezwa kwa Baba ili amalize shida zote zilizopo. Na akina baba bila kupepesa macho au kujivuta husimama imara kama mnara na kuyafanya yote yawapasayo kadri ya uweo wao.
Hayo ni kwa uchache yanayopelekea uwepo wa siku hii ya leo. Siku ya Akina Baba duniani.
Leo ni siku ya kuheshimu michango mingi ya akina baba katika kutengeneza maadili ya familia.

Leo ni siku ya kuheshimu na kuthamini upendo wa akina baba kwetu sisi sote. Japo wao hupata muda mchache kukaa na sisi lakini daima tunaishi mioyoni mwao na kwa bahati mbaya sana Mungu hajawajalia hulka za kuongelea yanayowasibu.
Leo ni siku ya kuwashukuru akina Baba kwa jitihada zao katika familia zetu kadri ya uwezo wao.

Leo ni siku ya kukumbuka nasaha za akina baba wanazotuambia na walizotuambia katika malezi yetu ambazo zimekuwa miongozo maishani.

Leo ni siku ya vijana wakiume kutathmini jukumu la kuwa baba na vitu gani vya kuzingatia akiwa katika nafasi hiyo. Ikumbukwe ni rahisi kuwa baba mzazi na sio kuwa baba.

Leo ni siku ya kuwakumbuka akina baba wote waliotangulia mbele za haki. Mungu awape amani ya milele.

Leo ni siku ya kuwapost akina baba kwenye kila mtandao wa kijamii😄
Baba Mzazi.
Baba Mlezi.
Baba wa Mbinguni.
Baba wa Taifa.

Family Smile Organization  kwa pamoja na upendo tunawashukuru akina Baba wote ambao hawajawahi kukata tamaa kuzitunza familia zao. Tunatambua wapo akina Baba waliotelekeza familia zao kwa sababu kama umaskini au mama kujifungua mtoto mlemavu lakini haitoshi kuwasahau akina baba wengi ambao wapo kidete kusimamia familia zao. Mungu awabariki baba, daddies, washua, wadingi, wazee, fathers na majina mengine yote haha.

Na
Nobel Edson Sichaleh
Fasmo Tanzania

Comments

Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more