Mradi wa MSINGI WA LISHE BORA katika Manispaa ya MOROGORO MJINI

MSINGI  WA LISHE BORA
Msingi wa lishe bora ni mradi wa utoaji elimu ya lishe kwenye shule za msingi katika manispaa ya Morogoro mjini. Mradi huu umelenga kuwajengea watoto tabia na maarifa ya kujua masuala ya msingi ya lishe yatakayowasaidia kufanya maamuzi sahihi katika ulaji bora na ulaji wa afya ili kuwaepuka kupata magonjwa na matatizo ya kiafya yanayohususiana na lishe kama kisukari, matatizo ya mifupa, matatizo ya moyo, matatizo ya ini na unene uliokithiri..

Maarifa hayo ni pamoja na kujua namna nzuri za kupangilia mlo kamili kwa kujumuisha makundi yote ya chakula, kuwajengea tabia ya usafi wa chakula na mwili, kuwafumbua akili juu ya vyakula vipi wasivipe kipaumbele kwenye milo yao kutokana na wingi wa vyakula hivyo hugeuka hatari kwenye afya zetu. 
Pamoja na hayo pia elimu juu ya vitu mbalimbali vya afya kama kuwafundisha ustaarabu wa mezani (table manners), mitindo mizuri ya kukaa ili kulinda afya ya mifupa na nyama pamoja na umuhimu wa Bima ya afya.
Morogoro mjini kuna shule za msingi 64 za serikali. Zimechaguliwa shule 25 kati ya 64 kuzifikishiwa hii elimu ya lishe kwa mwaka huu kama msingi wa kujiandaa kuzifikia shule zote (Binafsi na serikali) katika manispaa ya Morogoro mjini. Mradi huu utaenda sambamba na kuanzishwa kwa Lishe Clubs katika shule hizo.

Shule za msingi 25 zitafikiwa na mradi huu. Shule hizo ni
1. MTAWALA
2. MAFISA A
3. MAFISA B
4. MSAMVU A
5. MSAMVU B
6. MJI MKUU
7. MWEMBE SONGO
8. KALOLENI
9. KIKUNDI
10. MCHIKICHINI A
11. MCHIKICHINI B
12. BUNGO
13. KIWANJA CHA NDEGE
14. UHURU
15. SUA
16. MAFIGA A
17. MAFIGA B
18. MISUFINI A
19. MISUFINI B
20. MAZIMBU A
21. MAZIMBU B
22. MWERE A
23. MWERE B
24. MKWAJUNI
25. KILAKALA.
Mradi wa MSINGI WA LISHE BORA unalenga kuwafikia wanafunzi zaidi ya elfu saba (7000) ambao kati yao walengwa wakuu ni wanafunzi wa darasa la tano na darasa la sita. Elimu ya lishe itaanza kutolewa mwezi wa Septemba 2020 hadi Octoba 2020.

Ahsante!

Comments

Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more