NILISHE NIFAULU

NILISHE NIFAULU
Ni mradi unaotekelezwa na asasi isiyokuwa ya kiserikali ya FASMO ikishirikiana na wanajamii. Mradi huu umelenga utoaji wa chakula katika shule za msingi kama njia kuu ya kuchochea mahudhurio na utulivu wakati wa kujifunza ambavyo kwa pamoja huchangia matokeo bora (ufaulu) kwa wanafunzi na shule kwa ujumla.
Familia nyingi za Kitanzania zina uwezo mdogo wa kiuchumi. Watoto hulazimika kuamka asubuhi sana na kukimbilia shule bila kupata kitu chochote cha kula. Na kwa bahati mbaya hata shuleni hakuna utaratibu wa ugawaji wa chakula hivyo mtoto hujikuta masaa zaidi ya saba hajapata chakula kwa kuwa hata hela ya matumizi shuleni hajapewa au ni ndogo sana. 
Uelewa wa wanafunzi huwa hafifu kutokana na mazingira hayo ya ukosefu wa chakula wakati wa masomo. Pia ukosefu wa chakula huchochea sana utoro na wanafunzi kuacha shule. 
Utoro katika sura mbili, sura ya kwanza wanafunzi kutokuja shule na sura ya pili mwanafunzi au wanafunzi kutohudhuria kipindi au vipindi, hii ni pale mwanafunzi kaja shule lakini anaondoka shuleni bila ruhusa na sababu ya msingi. Na sababu mojawapo inayowafanya watoroke shule ni njaa.
 Ushahidi wa kimazingira kutoka sehemu mbalimbali haswa katika shule ambazo zinahuduma ya chakula mahudhurio yapo juu na utoro umepungua mno kuringalisha na shule ambazo hazina huduma ya chakula.

Kwa nini Nilishe Nifaulu
Kuna mrundikano wa sababu mbalimbali zilizochochea kubuniwa kwa mradi huu, sababu hizo ni ...
●Kuchochea ufaulu wa wanafunzi kitaaluma.
●Kuboresha hali za afya na lishe kwa wanafunzi.
●Kuchochea mahudhurio na kupunguza utoro.
●Kuokoa muda ambao ungetumiwa na wanafunzi kurudi majumbani kwao kula chakula kisha kurudi shule na kuendelea na masomo.
●Kusaidia watoto wanaotoka katika mazingira magumu yanayochangia kukosa hela ya matumizi shuleni na kujikuta wanashinda njaa au kuwadoea wengine.
●Kuchochea mshikamano kati ya wazazi na shule. Uwepo wa mradi kama huu unachochea ukaribu wa pande hizi mbili muhimu katika maendeleo ya mtoto kitaaluma na kimalezi.

Ni muhimu sana huduma za chakula katika shule za msingi kwa kuwa ndiyo wakati wa ukuaji wa ubongo na tabia kama umakini utatumika katika kusaidia ukuaji mzuri basi mtoto atakua na kufanikiwa kwenye vitu vingi kwa kuwa msingi wa malezi ulikuwa bora. Hii ndiyo sababu iliyotuchochea kuja na mradi huu.
Mradi huu kwa sasa unahudumia shule ya msingi Kilakala iliyopo manispaa ya Morogoro. Mradi ulianza mwezi Oktoba  2020 na umeonyesha mafanikio kadha wa kadha hususani kuongezeka kwa uchangmfu wa wanafunzi kwenye vipindi baada ya mapumziko jambo ambalo halikuwepo kabla ya huduma hii kuanzishwa shuleni hapo. 
Tunatarijia kuuboresha na kuutanua mrafi huu kufikia wanafunzi wengi hapa Tanzania wanaotoka katika mazingira magumu kama vile umaskini, umbali na shule, maeneo yenye lishe duni na ufaulu duni. Lengo kuu ni kuijenga kesho bora kwa kuwatemgenezea mazingira bora ya elimu. Maboresho mengi yatahusu ujumuishwaji wa jamii katika mradi.
Jamii ya Kitanzania ina kila sababu ya kuunga juhudi hizi kuwawezesha watoto kupata elimu bora katika mazingira rafiki.

NILISHE NIFAULU!

Comments

Anonymous said…
Mambo si ndiyo haya. Kazi njema
13 December 2020 at 20:18
Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more