USIACHE KUONGEA NA WATU

USIACHE KUONGEA NA WATU.

Habari yako! 
Ni matumaini yangu upo salama na unachukua tahadhari stahiki katika mapambano dhidi ya Korona. Unapojizuia kupata maambukizi pia wakumbushe wengine wajizuie. Usiache kuongea nao!

Viumbe hai vyote vina njia za mawasiliano. Namna ya kuwasiliana kati yao hususani pale wanapotekea familia moja. Kwa mfano Simba kwa simba, Nyani kwa Nyani, Siafu kwa siafu nk. Wakati viumbe vingine vyote vinatumia milio ya asili zao na ishara kuwasiliana baina yao binadamu yeye anatumia Lugha yaani mpangilio wa sauti kuwasiliana.
Binadamu anaongea. Katika kuongea kuna...
●Kuuliza 
●Kueleza/Kufafanua
Katika maongezi yetu basi kuna mambo mawili tunayafanya nayo ni Kuuliza au Kueleza. Usiache kuuliza, usiache kueleza (kujieleza, kuelezea) vitu mbalimbali kwa watu waliokuzunguka.

Watu wana vitu wanapitia, wana vitu wamezoea, wana vitu wanapenda jitahidi waongeleshe. Waulize ilikuwaje hivi? Wape nafasi wajieleze kuliko kuhukumu na kulaumu. Hakuna mtu mjinga sana, ni huwa tunatofautiana mitazamo na mazingira ya kufanya maamuzi. Wenda wewe ungekuwa yeye katika mazingira yaleyale ungefanya maamuzi kama yake.
Catherine alimpata binti mmoja akampa kazi ya ufanyakazi wa ndani. Yule binti kila mara alikuwa akimaliza kupika ugali anasahau kuloweka sufuria baadae wanapata  uhaba wa masufuria kwakuwa mengi yamelowe kwa kuchelewa. Catherine kila mara anamkumbusha yule dada. Kesho hatarudia kesho kutwa karudia.
 Mpaka alipoamua kumuuliza Inakuwaje hii hali haikomi?  Yule dada akajielezea hali ilivyo na kilichoonekana ni kwamba nyumbani kazi ni nyingi, karo la kulowekea lipo mbali na mbaya zaidi muda wa kupika ni muda wa kwenda kuchukua watoto shule. Hivyo hufanya harakaharaka. Basi Cathy akamwambia fanya mawili kati ya haya Wahi kupika au hakikisha kabla hujaanza kupika kuna maji mengi kando ya jiko ili ukiipua tu unaloweka hapo hapo. Kwanzia hiyo siku lile tatizo lilikwisha.

Kuwa tayari kwa maongezi na usiache kuongea nao, wasikilize kwa makini, jua hali zao, jua nini ni changamoto kwao, jua mawazo yao juu ya vitu kadha wa kadha. 
Waulize huku ukionyesha shauku ya kujua nini kilitokea na sio kutaka sababu au hoja na kamwe usikebehi maelezo yao wanayotoa kupitia maelezo wanayotoa utajua mengi na mtaongea mengi zaidi katika mlengwa wa kujengana na sio kuhukumiana.
 Pendelea majadiliano na sio mabishano. Majadiliano yatasaidia kujua kipi ni sahihi wakati mabishano yataishia kutambiana nani yupo sahihi. Ukipenda majadiliano itakuwa rahisi watu kukueleza hata mapungufu yako, watu kukupa pongezi, watu kukupa ushauri na watu kukupa ushirikiano katika kutafuta suluhu au njia za kufanikiwa katika jambo fulani.
Maongezi mazuri hujenga na kumsaidia mtu. Humpa faraja, maarifa na hata huondoa hasira kwa mtu. Maneno mazuri ni dawa. 
Iwe kwa simu au ana kwa ana usiache kuongea nao,
Iwe sebuleni au kibarazani Usiache kuongea nao. 
Iwe faragha au hadharani hakikisha unaongea nao.
Wape watu nafasi katika maongezi tena na tena hata kama wanakuangusha mara kadhaa. Usijivute kuanzisha maongezi na mtu ni kwenye maongezi ndio tunapata marafiki, kujua vitu na kusaidiana. 
Watu huchoka lawama na masimango. Kama unaweza ukamsengenya mtu basi pia unaweza ukamsaidia kwakuwa unajua wapi anahitaji msaada. Ongea nae hata kama sio msikivu nenda nae taratibu watu hubadilika siku hadi siku. Usimpe mtu sababu ya kususia maongezi. Usiache kuongea na watu.

Na
Nobel Edson Sichaleh
Fasmo Tanzania
0783961492

Comments

Nobby Eddy said…
Tunajifunza kwenye maongezi
4 May 2020 at 21:20
Maura said…
Ni kweli, kukaa kimya wakati mwingi hakusaidiii.
5 May 2020 at 04:44
Fasmo Tanzania said…
Mawasiliano ni nguzo
2 June 2020 at 21:57
Post a Comment

Popular posts from this blog

Mitindo Yetu Ya Ulaji.

Image
MITINDO YA ULAJI Viumbe hai vyote akiwemo na mwanadamu huitaji chakula ili kuishi. Mwanadamu ana mahitaji makuu matatu na chakula ni hitaji muhimu zaidi ya mengine ambayo ni mavazi na malazi. Kwa umuhimu wa chakula, mwanadamu huitaji kula kila siku. Na inapotokea hajala au kavusha mlo kuna utofauti hujisikia. Utofauti huo waweza kuwa upungufu wa nguvu mwilini, kizunguzungu, na wengine hujisikia uwepesi wa mwili. Wewe ukishikwa na njaa unakuwaje au tabia gani hujitokeza? Watu wanamitindo mbalimbali ya ulaji. Mitindo ya idadi ya milo, wakati wa kula, aina ya vyakula na kiasi cha chakula na hii hutokana na sababu kadhaa. Sababu kama za kiuchumi, mazoea, ratiba ya mtu, sababu za kidini, umri, hali ya mwili na kiafya ya mtu husika pamoja na mazingira na upatikanaji wa vyakula. Kama picha inavyoonyesha hapo watu 4500 walioonyesha wao hula milo mingapi ndani ya masaa 24 yani milo kwa siku. Wapo wa mlo mmoja hadi milo minne na kuendelea. Kwani wewe unakula milo mingapi kwa siku na kwa nini? Wa
Read more

Nafasi ya Maziwa katika Afya Zetu.

Image
MAZIWA MAZIWA MAZIWA! Tulipokuwa shuleni tulijifunza makundi ya Wanyama kulingana na sifa zao. Moja ya kundi hili ni mamalia ambao sifa yao kuu ni Wanyama wanaonyonyesha akiwemo popo, binadamu, mbwa, ng’ombe, mbuzi, kondoo nk. Wanyama hawa hufanya hivi kwa kipindi fulani na kuacha kunyonyesha mtoto/watoto wao. Kwa mfano, ndama wa ng’ombe huachishwa akiwa na umri wa miezi 4 hadi 5, baadhi ya jamii za nyani huendelea kunyonyesha watoto wao hadi wanapofikia umri wa miaka 4 wakati tembo huendelea kumnyonyesha mtoto wake hata akiwa na umri wa Zaidi ya miaka 2. Hii ina maanisha kila mnyama anaezalisha maziwa ni kwa ajili ya mtoto/watoto wake tu. Pia tutakubali kuwa kila mnyama ana tabia zake katika kumuachisha mtoto wake kunyonya. Kwa binadamu, inashauriwa mtoto anyonyeshwe hadi atakapotimiza umri wa miaka 2 na ikiwezekana aendelee kunyonyeshwa, ingawa watu wengi hawafanyi hivyo. Wengine huishia mwaka mmoja na nusu na kuacha kumnyonyesha mtoto wake. Leo ni kilele cha maadhimisho ya Siku ya m
Read more

MADHARA YA UTENGANO WA KIJAMII YALIYOSABABISHWA NA COVID19

Image
Madhara ya Utengano wa Kijamii yaliyoletwa na COVID19 Nchi nyingi sasa duniani zimeanza kulegeza masharti ya tahadhari zilizowekwa zifuatwe ili kupunguza na hata kutokomeza maambukizi na madhara ya janga la virusi vya Korona. Ugonjwa wa Korona umeleta madhara mengi ya muda mfupi na mengine ya muda mrefu. Itachukuwa muda jamii yetu kurudi kwenye maisha ya kawaida, kiuchumi na kimahusiano baina ya watu hili ni kutokana na tahadhari tunazochukua na tulizochukua katika mapambano dhidi ya ugonjwa wa Covid19. Leo naomba tuzungumzie madhara ya muda mfupi na muda mrefu ya Kujitenga kijamii (Social distancing/Isolation ). Kujitenga kijamii ni moja ya njia iliyobuniwa na kuhamasishwa itumike katika kuzuia maambukizi ya Corona. Njia hii ililenga mtu kukaa umbali wa Mita moja na zaidi na hata kujifungia ikiaminika umbali huo mtu aongeapo au akikohoa virusi haviwezi kumfikia mwingine kwenye huo umbali. Njia hii imekuwa na msaada kwa kupunguza kasi ya maambukizi ndani ya wanajamii kwenye
Read more